ایران دنیا کی سب سے بڑی جشن میلاد النبی ﷺ کا میزبان بنا

"امت احمد ﷺ" کا جشن ایران کا ایک نمایاں ثقافتی پروگرام ہے جو ہر سال ہفتہ وحدت کے ایام میں، پیغمبر اسلام حضرت محمد مصطفی ﷺ کے یوم ولادت کے موقع پر منعقد ہوتا ہے۔ ہفتہ وحدت، جو ۱۲ سے ۱۷ ربیع الاول تک منایا جاتا ہے، امام خمینیؒ کی تجویز پر اسلامی ممالک میں شیعہ اور سنی مسلمانوں کے اتحاد کی علامت کے طور پر منایا جاتا ہے۔

یہ جشن سب سے پہلے صوبہ کردستان کے شہر سنندج میں منعقد ہوا تھا اور مسلسل تین سال کے بعد اس سال، جو پیغمبر اسلام ﷺ کی ولادت کے 1500 سال مکمل ہونے کے موقع پر ہے، اسے دیگر شہروں میں بھی منعقد کیا گیا۔ سرکاری اعداد و شمار کے مطابق، اس سال ایران کے 307 شہروں میں 9206 تقاریب میلاد النبی ﷺ منعقد ہوئیں، جن میں سے 11 بڑے اجتماعات "امت احمد" کے عنوان سے کردستان، تہران، فارس، قم، اصفہان، گلستان، ہرمزگان اور سیستان و بلوچستان میں منعقد ہوئے۔

ان تقریبات میں نعت خوانی، خطابات، ثقافتی و فنّی اسٹالز، عوامی موکب، اسٹریٹ شوز، دف نوازی، بچوں اور نوجوانوں کے لیے سرگرمیاں، اور قومی و مقامی فنکاروں کی شرکت شامل تھی۔ سنندج میں بطور مرکزی مقام، دسیوں ہزار افراد نے شرکت کی جن میں ایران کے 17 صوبوں اور 7 اسلامی ممالک کے مہمان بھی شامل تھے۔

یہ جشن اسلامی اتحاد کی ایک علامت ہے جہاں شیعہ اور سنی مل کر میلاد النبی ﷺ مناتے ہیں۔ سوشل میڈیا صارفین نے اس فرق کو اجاگر کیا کہ جہاں شام میں جولانی حکومت نے میلاد النبی ﷺ کی تقریبات پر پابندی لگائی، ایران میں یہ جشن شاندار پیمانے پر منعقد ہوا۔ یوں ایران 1404ھ میں تمام مسلم ممالک میں سب سے بڑے جشن میلاد النبی ﷺ کا میزبان اور منتظم بنا۔